ரிலையன்ஸ் ஜியோவைப் பொறுத்தவரை போஸ்ட்பெய்ட் மற்றும் பைபர் கனெக்ஷன் வைத்திருப்பவர்களுக்கு மட்டும் குறிப்பிட்ட ரீச்சார்ஜ் திட்டங்களில் நெட்பிளிக்ஸ் சப்ஸ்கிரிப்சனை வழங்கி வந்தது. ஆனால், அதில் இப்போது மாற்றத்தை கொண்டு வரும் ஜியோ நிறுவனம் ப்ரீப்பெய்ட் ரீச்சார்ஜ் திட்டங்களிலும் நெட்பிளிக்ஸ் சப்ஸ்கிரிப்சனைக் கொண்டு வந்திருக்கிறது. யூசர்களை அதிகரிக்கும் நோக்கில் எடுக்கப்பட்ட இந்த முடிவின் மூலம் சுமார் 400 மில்லியன் யூசர்கள் நெட்பிளிக்ஸ் சந்தாவை ரீச்சார்ஜ் திட்டத்துடன் பெற இருக்கிறார்கள்.
முதல் ப்ரீபெய்ட் திட்டத்தின் விலை ரூ.1099. இந்த திட்டம் Netflix சந்தாவுடன் வருகிறது. ஆனால் இது மொபைல் பயனர்களுக்கு மட்டுமே கிடைக்கும் என்பதை நினைவில் கொள்ளவும். நெட்ஃபிக்ஸ் சந்தாவுடன், ஜியோ வெல்கம் ஆஃபருடன் வரம்பற்ற 5ஜி டேட்டா மற்றும் ஒரு நாளைக்கு 2ஜிபி டேட்டாவைப் பெறுவீர்கள். நீங்கள் வரம்பற்ற குரல் அழைப்பையும் பெறுவீர்கள் மற்றும் 84 நாட்கள் செல்லுபடியாகும்.
